Börn sjóðfélaga eiga rétt á barnalífeyri úr sjóðnum til 20 ára aldurs við andlát eða starfsorkumissi sjóðfélaga að eftirfarandi skilyrðum uppfylltum:
Hafi sjóðfélagi greitt til sjóðsins í a.m.k. 24 mánuði á undangengnum 36 mánuðum fyrir andlát eða 6 mánuði af undanfarandi 12 mánuðum
Hafi sjóðfélagi notið elli- eða örorkulífeyri úr sjóðnum við andlát
Hafi börn sjóðfélaga verið fædd eða ættleidd fyrir starfsorkumissi sjóðfélaga
Upphæð barnalífeyris er mismunandi eftir því hvort lífeyrinn er greiddur vegna örorku eða andláts sjóðfélaga
Ef um örorku sjóðfélaga er að ræða er fullur barnalífeyrir með hverju barni 29.887 kr. á mánuði m.v. janúar 2026. Ef orkutap er minna en 100% skerðist barnalífeyrir í samræmi við örorkuprósentu. Barnalífeyrir fellur niður þegar sjóðfélagi hefur töku ellilífeyris.
Ef um andlát sjóðfélaga er að ræða er fullur barnalífeyrir með hverju barni 44.831 kr. á mánuði m.v. janúar 2026. Falli sjóðfélagi og maki hans frá skal greiddur tvöfaldur barnalífeyrir með hverju barni.
Barnalífeyrir greiðist til framfæranda barns til 18 ára aldurs barnsins.
Hægt er að sækja um barnalífeyri inni á Mínum síðum.
Þú getur skráð þig inn á Mínar síður með rafrænum skilríkjum. Einnig hefur þú aðgang að Mínum síðum í gegnum Netbanka Arion banka undir flipanum „Lífeyrissparnaður“.
Ef þú ert ekki með rafræn skilríki má fylla út eyðublað.
Lífeyrir er greiddur út mánaðarlega, eftir á, á síðasta virka degi hvers mánaðar
Lífeyrisréttindi eru verðtryggð
Afgreiðsla lífeyrisumsókna tekur að jafnaði 4 til 8 vikur
Afgreiðsla örorkulífeyrisumsókna tekur almennt lengri tíma
Tekjuskattur er greiddur af öllum útgreiðslum. EFÍA sér um að standa skil á staðgreiðslu til ríkisins. Nánar á vefsíðu RSK.
Mælt er með að leita ráðgjafar hjá Tryggingastofnun vegna mögulegra áhrifa sem útgreiðslur lífeyrissparnaðar geta haft á greiðslur frá TR. Nánar á vefsíðu TR.
Áhættudreifing er mikilvægur þáttur í uppbyggingu eignasafna, sérstaklega þeirra sem hafa langan fjárfestingartíma þar sem með henni er dregið úr sveiflum í ávöxtun. Með hliðsjón af þessu hefur stjórn EFÍA sett sér það markmið í fjárfestingarstefnu undanfarinna ára að byggja upp dreift og fjölbreytt eignasafn bæði innanlands og erlendis.
Frá afnámi fjármagnshafta fyrri hluta árs 2017 hefur hlutfall erlendra eigna hækkað verulega í eignasöfnum EFÍA. Meginþungi var lengi vel á fjárfestingu í erlendum hlutabréfum en síðustu ár hefur aukin áhersla verið lögð á erlend skuldabréf og á erlendar sérhæfðar fjárfestingar. Markmið um vægi erlendra eigna í fjárfestingarstefnu hefur þannig hækkað á síðustu árum.
Í nýrri fræðslugrein á vef EFÍA, fara Ásgeir Bragason og Halldór Grétarsson, sjóðstjórar í eignastýringu fagfjárfesta hjá Arion banka, yfir erlendar sérhæfðar fjárfestingar sjóðsins.
Eftirlaunasjóður félags íslenskra atvinnuflugmanna leggur áherslu á gagnsæi og að sjóðfélagar hafi greiðan aðgang að upplýsingum um starfsemi sjóðsins. Á vefsíðu EFÍA má finna lykilupplýsingar með helstu upplýsingum um rekstur og fjárfestingar.
Hjá EFÍA er lögð áhersla á gagnsæi og greinamikið upplýsingaflæði til sjóðfélaga og því eru reglulega birtar fréttir eða fræðslugreinar um hin ýmsu málefni sem snúa að sjóðnum. Fyrir um ári var birt grein um árangur sérhæfðra fjárfestinga og hér að neðan verður framhald á þeirri umfjöllun þar sem farið verður yfir eignasafn sjóðsins í innlendum sérhæfðum fjárfestingum.
Hjá EFÍA er lögð áhersla á gagnsæi og greinagott upplýsingaflæði til sjóðfélaga og því eru reglulega birtar fréttir eða fræðslugreinar um hin ýmsu málefni sem snúa að sjóðnum. Fyrir um ári var birt grein um árangur sérhæfðra fjárfestinga og hér að neðan er framhald á þeirri umfjöllun þar sem farið verður yfir eignasafn sjóðsins í innlendum sérhæfðum fjárfestingum.
Hér á eftir verður farið yfir hvernig sjóðurinn hefur undanfarin ár byggt upp mengi innlendra sérhæfðra fjárfestinga og hver staða á eignasafninu er í dag.