Viðbótar­frest­ur - fram­boð til vara­stjórnar

Óskað var eftir framboðum til stjórnar EFÍA með frétt á heimasíðu sjóðsins 4. maí. Framboðsfrestur rann út kl. 17:00 í gær 18. maí.

Framboð hafa borist til aðalstjórnar og varastjórnar frá hæfum sjóðfélögum af báðum kynjum. Enn vantar þó upp á að framboð hafi borist frá konu í varastjórn en slíkt framboð er nauðsynlegt til að tryggt sé að sjóðfélagar geti kosið stjórn sem uppfyllir skilyrði laga um kynjahlutfall.*

Er því kallað sérstaklega eftir framboði kvenkyns sjóðfélaga í varastjórn með framlengdum fresti til kl. 17:00 föstudaginn 22. maí.

* Í samræmi við 29. gr. laga 129/1997 skal tryggt að hlutfall hvors kyns sé ekki lægra en 40% meðal aðalmanna og varamanna.