Vaxta­breyt­ing á sjóð­félagalánum EFÍA

Stjórn EFÍA hefur ákveðið að lækka vexti á bæði óverðtryggðum sjóðfélagalánum og verðtryggðum sjóðfélagalánum með breytilegum vöxtum. Við ákvörðun breytilegra vaxta verðtryggðra lána sjóðsins er horft til breytinga á meðalávöxtunarkröfu RIKS21 síðustu þrjá almanaksmánuði að viðbættu vaxtaálagi.

• Vextir óverðtryggðra lána EFÍA lækka úr 5,75% í 5,65% eða um 0,1% frá og með deginum í dag, 1. desember 2017

• Vextir á verðtryggðum lánum með breytilegum vöxtum lækka úr 3,35% í 3,2% eða um 0,15% frá og með 1. janúar 2018

• Vextir á verðtryggðum lánum með föstum vöxtum til 5 ára í senn haldast óbreyttir, 3,75%

Lækkunin á vöxtum óverðtryggðra lána nær aðeins til nýrra lána þar sem lán sjóðsins eru með föstum vöxtum til þriggja ára í senn.

Sjóðfélagalán EFÍA eru með jöfnum greiðslum eða jöfnum afborgunum, að vali sjóðfélaga. Þau eru uppgreiðanleg hvenær sem er á lánstímanum án kostnaðar. Vextir nýrra lána og lána með breytilegum vöxtum eru endurskoðaðir á þriggja mánaða fresti, þ.e. í febrúar, maí, ágúst og nóvember. Gildandi vextir eru birtir á heimasíðu sjóðsins.