Um­sögn EFÍA um frum­varp til breyt­inga á lögum um lífeyris­sjóði

Nú liggur fyrir Alþingi frumvarp um breytingar á lögum 129/1997 um lífeyrissjóði. EFÍA skilaði inn umsögn þar sem lögð var áhersla á þau atriði sem skipt geta sjóðfélaga EFÍA mestu máli og fylgir umsögnin í heild þessari frétt.

Gagnrýndi sjóðurinn sérstaklega lögfestingu á svokallaðri tilgreindri séreign og breytingum á verðtryggingu lífeyris.

Í frumvarpinu er lögfest 15,5% lágmarksiðgjald í stað 12% lagmarksiðgjalds hingað til, þá skal launþegum vera heimilt að ráðstafa þessum viðbótar 3,5% í tilgreinda séreign sem lýtur stífari útgreiðslureglum en önnur séreign. Líkt og sjóðfélagar þekkja er þeim nú þegar heimilt að ráðstafa hluta af því 20% iðgjaldi sem greitt er samvkæmt kjarasamningi FÍA til séreignarsjóðs að eigin vali. Verði tilgreind séreign lögfest felur það því í sér aukið flækjustig, skerðingu á valfrelsi sjóðfélaga og dýrara lífeyriskerfi.

Þá er jafnframt lagt til í frumvarpinu að lífeyrisgreiðslur skuli verðbættar einu sinni á ári í stað mánaðarlega líkt og nú er. Slík breyting felur í sér kjaraskerðingu fyrir lífeyrisþega sjóðsins og því alls ómögulegt að styðja slíka tillögu.

Umsögn sjóðsins