Niður­stöður kosninga 2018

Kosningum um samþykktabreytingar EFÍA lauk í gær, þriðjudaginn 12. Júní kl. 12:00 og liggja niðurstöður nú fyrir.

Kosið var um tillögur til samþykktabreytinga sem heimila sjóðfélögum að taka ellilífeyri í 50% hlutfalli frá 60 ára aldri ásamt því að fresta töku hálfs lífeyris til að allt að 80 ára aldurs með hækkun á hinum frestaða hluta. Við það að óska eftir hálfum lífeyri frá lífeyrissjóðum fæst hálfur lífeyrir frá Tryggingastofnun án skerðinga í samræmi við breytingar á lögum almannatrygginga nr. 100/2007, sem tóku gildi 1. janúar 2018 og reglugerð nr. 1195/2017 um sveigjanlega töku ellilífeyris og heimilisuppbótar.
Breytingarnar leiða til aukins sveigjanleika fyrir sjóðfélaga í töku lífeyris.

Meirihluti atkvæða féll með breytingunni eða 96,77%. Stefnt er að því að breytingarnar taki gildi 1. September að undangenginni staðfestingu Fjármálaráðherra.

96,77% samþykktu
2,42% höfnuðu
0,81% sátu hjá