Lífeyris­greiðsl­ur og rétt­indi sjóð­félaga hækka

Fjármála- og efnahagsráðuneytið hefur staðfest breytingar á samþykktum EFÍA sem kynntar voru á ársfundi sjóðsins 20. maí 2022 og sjóðfélagar kusu í framhaldinu um í rafrænu kjöri. Megininntak breytinganna er aðlögun að nýjum lífslíkutöflum í tryggingafræðilegu mati og aukning áunnina réttinda allra sjóðfélaga um 16% m.v 31.12.2021.

Hækkun áunninna réttinda um 16% hjá öllum sjóðfélögum kemur til vegna góðrar afkomu sjóðsins síðustu ár en á móti voru teknar upp nýjar spár um lífslíkur sem auka skuldbindingar sjóðsins, mismikið eftir árgöngum. Hækkun hvers árgangs að teknu tilliti til nýrra spátaflna má sjá í töflum í kafla VI, bls. 30 í samþykktum sjóðsins.

Sjóðfélagar sem hafið hafa töku lífeyris munu sjá hækkun greiðslna við næstu útborgun, ásamt uppsafnaðri hækkun frá og með útborgun 1. ágúst 2022.