Kynning­ar­fund­ur um sam­þykktar­breyt­ingar mánu­dag­inn 1. júní kl. 11.30

Haldinn verður kynningafundur nk. mánudag, 1. júní, kl 11:30 á tillögum stjórnar um breytingar á samþykktum EFÍA, sem ræddar voru á ársfundi sjóðsins. Fundurinn verður haldinn í húsakynnum FÍA, Hlíðasmára 8.
Tillögurnar snúa aðallega að breytingum á maka- og barnalífeyri. Helstu ástæður stjórnar fyrir þessum tillögum eru breytingar sem átt hafa sér stað í kjaramálum og þátttöku á vinnumarkaði frá því að greinar maka- og barnalífeyris í núverandi samþykktum voru samþykktar. Helstu ástæður eru:

• Breytingar á vinnumarkaði, makar meira útivinnandi

• Heimilt að skipta réttindum milli sjóðfélaga og maka

• Heimilt að færa réttindi í séreign

• Kjarasamningsbundnar tryggingar hækkað verulega

  • Skírteinistrygging

  • Líftrygging

Rétt er að minna á að öll áunnin réttindi halda sér og eru samkvæmt núverandi samþykktum, þ.e.a.s. makalífeyrir er ævilangur. Allir makar og börn sem nú eru á lífeyrisgreiðslum halda þeim áfram.
Makar núverandi sjóðfélaga halda öllum áunnum réttindum sínum. Þetta eru einungis tillögur að breytingum á framtíðarréttindum.

Tillögurnar er hægt að nálgast hér á heimasíðu sjóðsins, undir frétt "Ársfundur Eftirlaunasjóðs FÍA" frá 01. apríl 2015.

Sjóðfélagar eru hvattir til að mæta og kynna sér breytingarnar.