Breyt­ing á vöxt­um sjóð­félagalána

Stjórn EFÍA hefur ákveðið að hækka vexti á öllum þremur lánategundum sem sjóðurinn býður upp á.

Vextir á óverðtryggðum lánum sjóðsins sem bera fasta vexti til 3 ára hækka í 9,85%. Hækkunin tekur gildi 1. desember 2023 og gildir um ný útlán sjóðsins, en þegar veitt lán halda sínum vaxtakjörum þar til þriggja ára fastvaxtatímabili lýkur.

Vextir á verðtryggðum lánum með breytilegum vöxtum hækka í 3,75% þann 1. desember 2023. Hækkunin tekur gildi 1. janúar 2024 fyrir þegar veitt lán en tilkynna þarf um breytingar á breytilegum vöxtum með eins mánaðar fyrirvara.

Vextir á verðtryggðum lánum með föstum vöxtum til 5 ára hækka í 4,3%. Hækkunin tekur gildi 1. desember 2023 og gildir um ný útlán sjóðsins, en þegar veitt lán halda sínum vaxtakjörum þar til fimm ára fastvaxtatímabili lýkur.