Makalífeyrir

Maki sjóðfélaga á rétt á ævilöngum makalífeyri við andlát sjóðfélaga hafi hann greitt iðgjald til sjóðsins í a.m.k 2 ár. Makalífeyrir er greiddur út mánaðarlega, eftir á, til eftirlifandi maka látins sjóðfélaga. Full makalífeyrisréttindi eru hverju sinni 48% af óskiptum ellilífeyris- eða 64% af örorkulífeyrisréttindum sjóðfélagans við fráfall hvort sem gefur hærri réttindi.  

Maki telst sá eða sú sem við andlátið var í hjúskap með sjóðfélaga eða óvígðri sambúð, enda hafi fjárfélagi ekki verið slitið fyrir andlát sjóðfélagans. Með óvígðri sambúð er átt við sambúð karls og konu sem eiga sameiginlegt lögheimili, eru samvistum, eiga barn saman, eiga von á barni saman eða sambúðin hefur varað samfleytt í a.m.k tvö ár. Réttur til makalífeyris fellur niður ef makinn gengur í hjónaband á ný eða stofnar til sambúðar sem jafna má til hjúskapar, nema kveðið sé á um annað í samþykktum. Athugið að þrengri skilgreining gildir vegna séreignar

Sækja skal um makalífeyri skriflega á eyðublaðinu : Umsókn um útgreiðslu maka og barnalífeyris.

Umsóknir má nálgast á forsíðu undir flipanum Umsóknir. Jafnframt er sérstök móttaka sjóðfélaga EFÍA í Aðalútibúi bankans að Laugavegi 120 og eru sjóðfélagar hvattir til að nýta sér þá þjónustu.

Makalífeyrir er greiddur út samkvæmt samþykktum sjóðsins.