Spurt og svarað

• 1. Hver er kostnaðurinn við lántökuna?
  Sjá Verðskrá
• 2. Hvernig gengur ferlið fyrir sig ef ég sæki um lán?
  1. Sótt er um lán í  Aðalútibúi Arion banka, Laugavegi 120, 105 Reykjavík. Þjónusturáðgjafar aðstoða við útfyllingu umsókna og kanna hvort þú uppfyllir grunnskilyrði til lántöku
  2. Gögn sem þurfa að fylgja lánsumsókn koma fram í liðnum hér næst fyrir ofan
  3. Þegar öll gögn hafa borist er veðhlutfall reiknað út og lánanefnd metur hvort þú uppfyllir skilyrði til lántöku
  4. Greiðslumat er gert, ef við á
  5. Þjónusturáðgjafi hefur samband við þig og tilkynnir þér niðurstöðu lánanefndar
  6. Ef niðurstaða lánanefndar er jákvæð útbýr þjónusturáðgjafi veðskuldabréf
  7. Þú sækir veðskuldabréf til þjónusturáðgjafa, undirritar það og ferð með í þinglýsingu. Þjónusturáðgjafi getur séð um þinglýsinguna fyrir þig, en það flýtir verulega fyrir ef þú ferð með það í þinglýsingu
  8. Þegar lánið kemur úr þinglýsingu þarf að koma því aftur í útibúið (ef þú ferð sjálf/ur með lánið í þinglýsingu þarft þú að sækja það aftur).
• 3. Hvaða gögn þurfa að fylgja lánsumsókn?
  • Nýtt veðbókarvottorð
  • Afrit af síðustu greiðslukvittunum af þeim lánum sem hvíla fyrir á eigninni
  • Afrit af þinglýstum kaupsamningi hafi eignin skipt um eigendur á síðast liðnum 12 mánuðum, eða áætlað markaðsverð að mati sérfræðings á lánaborði Viðskiptabankasviðs Arion banka eða verðmat frá löggiltum fasteignasala sem EFÍA tilnefnir (í samráði við starfsmenn Arion banka). Lántakandi greiðir kostnað vegna verðmats frá löggiltum fasteignasala ef um það er að ræða
  • Húseignir í smíðum þurfa að vera komnar með fokheldisvottorð ásamt smíðatryggingu og kvittun fyrir greiðslu gatnagerðargjalda
  • Upplýsingar um brunabótamat og fasteignamat
  • Upplýsingar vegna greiðslumats (nánari upplýsingar í útibúi)
• 4. Veitir lán EFÍA rétt til vaxtabóta?
  Aðeins vegna lána til kaupa eða byggingar íbúðarhúsnæðis til eigin nota.
• 5. Hverjir eiga möguleika á að fá lífeyrissjóðslán hjá EFÍA ?
  Allir sjóðfélagar sem hafa greitt iðgjöld til EFÍA geta fengið lán úr sjóðnum.
• 6. Get ég breytt lánstímanum eftir að lánið hefur verið tekið?
  Já hægt er að óska eftir breytingu á lánstíma með því að óska eftir skilmálabreytingu láns. Sækja má um það í Aðalútibúi Arion banka, Laugavegi 120, 105 Reykjavík.
• 7. Hvað er hægt að sækja um hátt lán?
  Lágmark 2 milljónir kr. og hámark 40 milljónir. Hámarkið takmarkast af veðrými og greiðslugetu lántakanda. Fasteignaveð í eigu skuldara þarf að vera til tryggingar láninu og getur veðsetning með umbeðnu láni verið allt að 65% af metnu markaðsverði íbúðarhúsnæðis. Veðsetning má þó aldrei vera hærri en 100% af brunabótamati.
• 8. Hvað get ég sótt um lán til langs tíma?
  Lánstími er 5 til 40 ár.
• 9. Get ég fengið lán með veði í eign sem ég á ekki (lánsveð)?
  Nei, það er ekki hægt.
• 10. Veitir EFÍA lán vegna ósamþykktra íbúða?
  Nei, því miður.
• 11. Eru einhverjar takmarkanir á því í hvað má nota lífeyrissjóðslánið?
  Nei.
• 12. Er hægt að greiða inn á lánið og lækka höfuðstólinn?
  Það er hægt að greiða inn á höfuðstólinn að hluta eða öllu leyti hvenær sem er, þér að kostnaðarlausu.
• 13. Ef ég fæ lífeyrissjóðslán hjá EFÍA í dag og ég sel húseignina síðar, getur nýr eigandi yfirtekið lánið á sömu kjörum eða þarf að greiða lánið upp?
  Þú getur bæði flutt lánið með þér á næstu íbúð, sem sjóðurinn þarf að samþykkja, til að spara þér lántöku- og stimpilgjald. Jafnframt getur nýr eigandi yfirtekið lánið á sömu kjörum ef hann uppfyllir skilyrðin sem eru nefnd í fyrsta lið hér að ofan. Sjóðurinn verður þó að samþykkja nýtt veð. Verði skuldaraskipti á láninu og nýr skuldari er ekki sjóðfélagi hækka vextir lánsins um 1,0 prósentustig.