Um sjóðinn

Eftirlaunasjóður Flugmannafélags Íslands, EFÍA , var stofnaður árið 1953.                                                                                                                                        

Hlutverk sjóðsins er að tryggja sjóðfélögum, mökum þeirra og börnum lífeyri. Sjóðurinn er opin öllum félagsmönnum FÍA, Félags íslenskra flugmanna.

Upphaf

Árið 1953 náðust samningar milli Félags atvinnuflugmanna og flugfélagana um stofnun lífeyrissjóðs fyrir atvinnuflugmenn. Þá greiddu flugfélögin 5% af launum flugmanna í sjóðinn en flugmenn sjálfir 10% af launum. Fyrstu árin gátu flugmenn fengið lán úr lífeyrissjóðnum. Það var svo árið 1974 sem lífeyrissjóðnum var breytt í eftirlaunasjóð.

Stjórn sjóðsins

Fjöldi stjórnarmanna er fimm og er kjörtímabil þeirra eitt ár og miðast við ársfund. Engin takmörk eru á hámarkstíma sem aðalmaður má sitja í stjórn sjóðsins. Val stjórnarmanna fer þannig fram að stjórn FÍA tilnefnir þrjá stjórnarmenn. Síðan eru tveir stjórnarmenn tilnefndir af atvinnurekendum í hlutfalli við iðgjaldagreiðslur þeirra til sjóðsins. Báðir aðilar skipa jafnmarga varamenn. Stjórnin kýs sér sjálf formann og skiptir að öðru leyti með sér verkum. Allir sjóðfélagar, jafnt greiðendur sem lífeyrisþegar, eiga rétt til fundarsetu á ársfundi með málfrelsi og tillögurétti.

Iðgjöld til lífeyrissjóðsins skulu vera samkvæmt kjarasamningum FÍA, nú að lágmarki 20% af launum sjóðfélaga. Sjóðfélaga er heimilt að lækka iðgjald til samtryggingarverndar og verja þannig hluta iðgjaldsins til öflunar lífeyrisréttinda í séreign.

Eignastýring Arion banka annast rekstur og eignastýringu lífeyrissjóðsins.

• Samkvæmt kjarasamningum má gera samning við sjóðinn um ráðstöfun hluta iðgjalds í séreign.
• Hærri réttindaávinnsla
• Hagstæð lífeyrissjóðslán
• Boðið er upp á það að flýta eða fresta lífeyrisgreiðslum um allt að 5 ár.

Samningur um ráðstöfun lífeyrisiðgjalds til séreignarsparnaðar